სასწავლო ციფრული ობიექტების შექმნა,
                                           ისტ ტექნოლოგიების გამოყენება (რეფლექსია)
თემა: რეზო თაბუკაშვილის "საქართველოს მეჭურჭლეთუხუცესი" (კინომოთხრობა)

ციფრული რესურსის სათაური: ა)შეხვედრა რეზო თაბუკაშვილთან;
                                                          ბ)სლაიდები და ვიდეოფილმები ექვთიმე თაყაიშვილის                                                               ცხოვრებისა და ღვაწლის შესახებ.
                                                                           

                                                                             

ბატონ ექვთიმე თაყაიშვილის დაკრძალვის წინა დღით, 23 თებერვალს ისტორიის ინსტიტუტში მოვიდნენ ორგანოს თანამშრომლები და ინსტიტუტის თანამშრომლები კატეგორიულად გაგვაფრთხილეს, რათა არც ერთი ჩვენგანი არ დავსწრებოდით ბატონ ექვთიმე თაყაიშვილის დასაფლავებას. დაკრძალვის დღეს იყო ცუდი ამინდი, სიცივე, ქარი და თოვლჭყაპი. დაკრძალვაზე ისტორიის ინსტიტუტიდან წავედით ოთხნი: მე, ტარიელ ჩუბინაშვილი, ოთარ ჯაფარიძე და ნიკო ქანთარია. ვაშლოვანის ქუჩაზე ჩვენთან მოვიდა სამოქალაქო ტანსაცმელში ლამაზად გამოწყობილი პიროვნება და ასე მოგვამრთა: ,,Молодые людиь вы отдали честь покойнему. расходитесь".

უამინდობის გამო ჩვენ შეიძლება შინ წავსულიყავით, მაგრამ ამ პიროვნების საქციელმა ისე გაგვაღიზიანა, რომ პროცესიას ბოლომდე გავყევით. ვინ იყვნენ ის თავდადებული ქართველები, რომლებმაც ბოლომდე პატივი მიაგეს ბატონ ექვთიმე თაყაიშვილს (ჩვენთვის ცნობილია მხოლოდ 28 კაცი). აი ისინიც: ქრისტინე შარაშიძე, აკაკი შანიძე, შალვა ნუცუბიძე, ალექსანდრე ბარამიძე, კორნელი კეკელიძე, სიმონ ყაუხჩიშვილი, ალექსანდრე ჯანელიძე, იოსებ მეგრელიძე, ვახტანგ ბერიძე, გიორგი ლომთათიძე, ნინო ღოღობერიძე, ჰაიდარ აბაშიძე, ვუკოლ ბერიძე, ალექსანდრე კალანდაძე, ცაცა ყურაშვილი–გავაშელისა, ლიანა დოლაბერიძე, ირინე წიტაიშვილი, ქსენია კამკამიძე–ლორია, ტარიელ ჩუბინაშვილი, მარიამ ლორთქიფანიძე, ოთარ ჯაფარიძე, ნიკო ქანთარია, გურამ ბარნოვი, ზურაბ კიკნაძე, გურამ რამიშვილი, ირაკლი რამიშვილი, ედიშერ გიორგაძე, კოტე ჩოლოყაშვილი... დაბოლოს იმასაც აღვნიშნავ, რომ რომ მაშინ ქართულ ეკლესიას ბატონ ექვთიმე თაყაიშვილის სულის სახსენებელი პარაკლისი არ გადაუხდია. ეს იმიტომ მოხდა, რომ ბატონ ექვთიმე თაყაიშვილის გარდაცვალებამდე რამდენიმე დღით ადრე გარდაიცვალა მისი უახლოესი მეგობარი საქართველოს კათოლიკოს–პატრიარქი, უწმინდესი და უნეტარესი კალისტრატე ცინცაძე.

ბატონ აკაკი შანიძეს ექვთიმე თაყაიშვილის საფლავთან ხელში სჭერია მისი ახლად გამოსული სქელტანიანი მონოგრაფია და უთქვამს: ,,ძმაო ექვთიმე, შენ არც მიტინგი გჭირდება, არც ძეგლი, შენი ძეგლი შენი წიგნებია, ძალიან მწყდება გული, ცოცხალს რომ ვეღარ მოგისწარი ამ წიგნით"...

წყარო:  ცინცაძე დურმიშხან, ექვთიმე თაყაიშვილის ნაკვალევზე, თბილისი, 2009.

გამოყენებული წყაროები: youtube.com

                                                                              http://skolaqorali.blogspot.com/p/blog-page_24.html

                                          google.ge

                                                                   https://ka.wikipedia.org